Шпанeцот Рафаел Надал од денеска повторно е најдобар светски тенисер откако успеа да го мине Енди Мареј на врвот на АТП листата.
Надал на Мастерсот во Синсинати, беше елиминиран во четвртфиналето, но сепак освои доволно поени за да биде тенисер број 1. Тој последен пат на оваа позиција беше на 6.јули 2014 година.
Во 2017 година Надал има скор од 49 победи и 9 порази и ова за него е 141. недела на врвот на АТП листата.
Победникот на Мастерсот во Синсинати Григор Димитров се проби на деветтото место, а во ТОП 10 скок има и Александер Зверев, кој е сега шести. Пад забележаа ланскиот победник на Синсинати, Марин Чилиќ и Кеи Нишикори.
Ранг листа на тенисерите од ТОП 10:
1. Рафаел Надал 7.645
2. Енди Мареј 7.150
3. Рожер Федерер 7.145
4. Стан Вавринка 5.690
5. Новак Ѓоковиќ 5.325
6. Александер Зверев 4.470
7. Марин Чилиќ 4.155
8. Доминик Тием 4.030
9. Григор Димитров 3.710
10. Кеи Нишикори 3.195
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
