Двајца работници ангажирани на изградба на автопатот Кичево – Охрид се тешко повредени кога паднале од кран.
Според информациите на МВР, вчера во кичевската болница биле примени лицата И.М. (41) од село Митрашинци, Берово, и М.С. (61) од Делчево, работници од „Гранит“, кои работеле на автопатот во изградба Кичево – Охрид во атарот на селото Пополжани.
По укажаната лекарска помош и поради сериозноста на повредите, тие се префрлени во болницата „Св. Еразмо“ во Охрид.
-Од извршениот увид утврдено е дека настанот се случил при кревање кран со дигалка. Во еден момент дигалката изгубила рамнотежа и се превртела, при што лицата што ја управувале дигалката скокнале од работната кабина и се повредиле.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
