Брканица на Битпазар: Разбојник фатен жив на дело

Разбојник нападнал осумдесетгодишна жена на Битпазар и се обидел да ѝ го одземе паричникот. Ја турнал оштетената и ја влечел по бетонот, а потоа избегал. Очевидец на настанот усепал да го стигне, да го совлада и да ѝ го врати паричникот на несреќната жена. Разбојникот бил присилно задржан се до доаѓање на полицијата.

Како што информираа од Јавното обвинителство надлежен јавен обвинител од Основното јавно обвинителство – Скопје донесе наредба за спроведување на истражна постапка против осомничениот за сторено кривично дело – разбојништво од член 237 став 1 од Кривичниот законик. Ценејќи дека има околности што укажуваат дека осомничениот може да го повтори делото или да се даде во бегство, јавниот обвинител поднесе до судот и предлог за определување на мерка – притвор. Судот на осомничениот му определи притвор во времетраење од 30 дена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.