Египќанец кој живее во Саудиска Арабија објавил на Твитер снимка каде се гледа како на работа појадува со жена со бурка, по што бил уапсен.
Министерството за труд и општествен развој на Саудиска Арабија го осомничи Египќанецот за повеќе прекршоци, меѓу кои и „седење на место наменето исклучиво за Саудијци”, пренесува Би-би-си.
Снимката трае 30 секунди, и на неа двојката се шегува за заедничкиот оброк на којшто никој друг не е поканет. „Најконтроверзната“ сцена следи на крајот, кога жената му дава залче храна на Египќанецот. Поради тоа, многумина Саудијци коментираа дека не тој, туку таа треба да биде казнета.
هُناك اكثر من المصري “بهاء” وسيناريوهاتهم تحدث يوميًا بين اسقف المولات والمجمعات التجارية فـ استحداث الوظائف للسعوديات بين الأجانب يُعد انفلات صريح للعادات والتقاليد والقيم .#مصري_يفطر_مع_سعوديه pic.twitter.com/r8prckcdf1
— حمود الضحيان ابونواف (@H_S_Alduhaiyan) September 9, 2018
– Јас сум Саудијка и се колнам дека сакам да ја казнат и неа заедно со него. Смеа, оброк на работно место… Каде ви се границите?, напиша една изреволтирана коментаторка на Твитер по име Малак.
Сепак, имаше и поинакви коментари, за тоа дека сето тоа е нормално.
Во Саудиска Арабија жената не смее на работното место или во ресторан да седи во друштво со маж кој не е член на нејзиното семејство, а при повеќето активности таа мора да биде во придружба на „заштитник“, обично таткото, сопругот, брат или син.
Египетската твитерџика Соња пак, смета дека апсењето Египќанецот е резултат на „кревкото его” на саудиските мажи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
