Грешката на Ѓоковиќ што веројатно го чинеше победа против Надал (видео)

Новак Ѓоковиќ има чист смеч, но по инерција не успева да се задржи и ја допира мрежата, иако Надал нема шанси да го врати топчето. Момент за пресврт и ненамерна грешка на српскиот тенисер, што веројатно го чинеше победа против лутиот ривал и шанса да настапи во финалето, во потрага по првиот трофеј на Ролан Гарос.

Ова се случуваше при резултат 4-3 во гемови и 40-40 во поени во петтиот решевачки сет, при сервис на Новак. Судијата му се извини на Ѓоковиќ, но постапи според правилата и му го додели поенот на Надал, бидејќи е недозволено во тенисот да ја допрете мрежата. Потоа Надал направи брејк, а на крајот го доби решавачкиот сет со 9-7 во игри и утре ќе се бори за рекордната осма титула на Ролан Гарос, против сонародникот Давид Ферер.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.