Луѓето врескале од страв: Напади со киселина во Лондон, уапсено едно осомничено лице (Видео)

Двајца тинејџери синоќа на неколку локации во источен Лондон со киселина нападнале случајни минувачи. Напаѓачите 90 минути ги напаѓале минувачите на пет различни локации, а забележани се и грабежи.

Two men on a moped carry out FIVE acid attacks in East London with one victim receiving 'life-changing injuries' https://t.co/dOBLzRhW1b pic.twitter.com/xgQjbaP8d0

— Daily Mail U.K. (@DailyMailUK) July 14, 2017

Првиот телефонски повик полицијата го добила синоќа во 10:25 часот по локално време. Еден 32-годишен маж добил повреди на лицето, а на жртвата ѝ бил украден и автомобилот, пренесуваат британските медиуми. Следниот повик полицијата го добила во 11:05, кога било пријавено дека двајца мажи на скутер полеале втор маж со киселина по лицето. Во 11:18 бил пријавен грабеж и ново прскање со киселина. Жртвата на третиот напад била превезена во болница во источен Лондон со сериозни повреди на лицето.

Четвртиот напад бил пријавен во 11:37 кога двајцата напаѓачи му се приближиле на друг возач на скутер и го испрскале со киселина. За среќа, повредите не биле сериозни па жртвата од дома го пријавила случајот. Сличен случај како овие во источен ондон бил пријавен во 10:49 во Ислингтон, но состојбата на жртвата сѐ уште не е позната.

Еден тинејџер е уапсен во врска со нападите, додека вториот напаѓач сѐ уште е во бегство.

Нападите со киселина се чести во Британија. Според официјалните податоци бројот на ваквите напади пораснал во последните четири години. Во 2012 се регистрирани 183 такви напади, додека во 2017 веќе се извршени 504, но засега ниеден од нападите со киселина не е поврзан со тероризам.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.