Нов Зеланд денеска го зафати зимска бура, предизвикувајќи блокади во сообраќајот низ целата земја и оставајќи илјадници домаќинства без електрична енергија.
Утринава се приземјени сите регионални летови од главниот град Велингтон, а силните ветрови предизвикаа големи штети уривајќи дрвја и кинејќи ја електричната мрежа низ цела земја, што повеќе од 10.000 домаќинства остави без електрична енергија.
Ветрот, што дуваше со брзина од 160 километри на час, ја погоди новозеландската престолнина, додека во теснецот Кук, што ги дели Северниот и Јужниот остров, дуваше со брзина од 130 километри на час, кревајќи 11 метри високи бранови, објави метеоролошката служба.
Затворени се некои од главните сообраќајници, а прекинат е и железничкиот сообраќај. Главните сообраќајници што одат низ средишниот дел на Северниот остров се затворени заради снегот и мразот, пренесе Хина.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Шок во Бордо: Суботиќ во бесознание, доби удар од голманот на Ст.Етјен
-
Кузмановска: Неспособната власт ги задолжи граѓаните за нови 21,1 милион евра
-
И јас трпев насилство од поранешниот партнер: Министерката си ја отвори душата!(видео)
-
Руси масовно дрифтаат во снег, ни полицијата не им може ништо (Видео)
