Јоци: Новите кадри во Владата и по министерства ги местат Американците, Заев е само нем набљудувач

Откако во јавноста излезе веста дека Јасминка Аневска не е портпарол во Владата, туку Миле Бошњаковски, nовинарката Јорданка Ивановска-Јоци реагираше и во статус на својот Фејсбук профил го напиша следново:

Всушност, сликата со новите вработувања е јасна и е следна: новите кадри во Владата и по министерства, ги местат американците. Станува збор за луѓе, кои, со години користат грантови од УСАИД или други американски фондови, едни те исти. Очито Заев е само нем набљудувач. Слуша што ќе му кажат.

Па, така, Јасминка Аневска можеби била во игра или ќе ја сместат на др.место (уште размислувала), но новиот портпарол на Владата е Миле Бошњаковски, одамна екс новинар и басист во бендот “Репортерс” (креиран и финансиран од американски фондови). Во истиот бенд се и Стојан Трпчевски ( со години уредник во МРТВ, вработен во време Грујово) плус Борјан Јовановски, Драган Антоновски и водителон, Жаре. (За кои нема најава во моментов дека се некаде распоредени).

Под 2. Петрит Сарачини (Амон Мра), новиот портпарол во Мин.за култура, е пејач во истиов бенд, додека 3. Дарко Лешоски, за кој се вели дека ќе биде владин советник, со години работи во испоставата на УСАИД во Скопје.
4. Васиљ Влатко, кој уште не знае каде ќе го сместат во Влада, но самиот се пофали дека очекува, работеше на тв проекти, финансирани од УСАИД.
5. Марјан Забрчанец, сега нешто таму владин советник, беше координатор на куп невладини, финансирани од американски фондови, за време на протестите. Исто и 6. Бојан Маричиќ, сопруг на Маринела Тушева.
Тука е и 7.Зоран Бојаровски, до завчера новинар, кој сега работи во владините комуникации, а беше дел од проектот на УСАИД “Сервис за проверка на факти”.

Сега на ред се да ги дознаеме оние кои не се пофалија, а ги стрпале по министерства по основ на американски грантисти, т.е, лојални “граѓани” на американската амбасада.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.