Првата средба на Трамп и Путин и ракувањето (видео)

Американскиот и рускиот претседател Доналд Трамп и Владимир Путин првпат се сретнаа во живо и се ракуваа, на самитот Г20 во Хамбург, соопшти Кремљ.

– Тие се ракуваа и се договорија дека ќе се сретнат подоцна, на средба ’очи в очи’ – изјави портпаролот на Кремљ, Дмитриј Песков, пренесува АФП.

Трамп разговараше со германската канцеларка Ангела Меркел и британската премиерка Тереза Меј на самитот во Хамбург за време на дискусијата за борбата против тероризмот.

Мерел и Трамп седеле еден покрај друг и размениле поздрави на отворањето на дискусијата, а се забележало дека Трамп разговарал и Меј, која седела лево од неговата страна, пренесува АП.

Путин седел неколку места подалеку.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.