Нападна двајца трактористи во алкохолизирана состојба, а за награда доби директорско место

Тој за тоа инфромираше преку својот фејсбук профил.

– Денеска на седница на Влада на РМ сум именуван за директор на Службен весник, огромна одговорност и обврска кои ќе бидат императив во понатамошното работење, почитувани пријатели ви благодарам на искрените честитки – напиша Костовски.

СВР Куманово за инцидентот во кој беше инволвиран членот на СДСМ и нов директор на Службен весник соопшти дека при заминување на трактористите кои учествуваа на маршот на „За заедничка Македонија“ биле пресретнати од Костовски кој му се нафрлил на едниот трактор и упатувал навредливи зборови кон лицето кое го управувало.

Потоа, Костовски се упатил и кон вториот трактор, управуван од 23-годишниот Н.М. од Пчиња и, како што се вели во соопштението, без никаков повод и причина го навредувал, го повлекол од тракторот и физички го нападнал, удирајќи го со тупаници по телото, нанесувајќи му телесни повреди – контузија на ‘рбетот.

Костовски бил приведен и по извршено алкотестирање биле утврдени 1,47 промил алкохол во крвта.

По целосно документирање и расчистување на настанот, велат од полицијата, до Основното јавно обвинителство ќе биде поднесена кривична пријава за сторено дело насилство.

Порталот „Нетпрес“ неодамна пишуваше дека речиси цело семејство на Костовски е вработено во општинските кумановски претпријатија.

– Првиот човек на опозицијата во овој град е вработен во општината Куманово, неговата мајка Маре Костовска е вработена во јавното претпријатие „Пазаришта“, а неговата баба Јасмина Симоновска е вработена во ЈП „Водовод“. За да биде комплетиран списокот во оваа фамилија, од оваа година во општината каде што веќе работи и претседателот на СДСМ, е вработена и неговата сопруга Ивана Костовска, пишуваше Нетпрес.