Солун: Стотици факели против Република Македонија (видео)

Стотици членови и приврзаници на грчката националистичка организација „Златна Зора“ вчера со запалени факели протестираа во Солун, со симболична порака дека ќе горат сите што ќе направат велепредавство и ќе се согласат со употребата на името Македонија во варијантата за финално решение.

Според „Златна Зора“, зборот Македонија не смее да биде дел од името на северниот сосед. Протестот е упатен кон умерената реторика на грчката влада која по посетата на Никола Димитров најави дека ќе ја поддржи Македонија на патото кон ЕУ и НАТО ако се најде решение за името.

-Златна Зора е подготвена да се бори и против Скопје и против предавниците кои што ќе дозволат кражба на грчко – македонското историско и културно наследство од варварите од Север- гласи пораката од митингот.

Во неколку наврати предходно членови на оваа партија ги блокираа граничните премини Меџитлија и Богородица во знак на протест на употребата на иммето Македонија од владата во Скопје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.