Американскиот државен секретар Рекс Тилерсон изјави дека се надева оти арапските земји, вклучени во дипломатскиот судир со Катар, наскоро на Доха ќе и ја достават листата на „разумни и изводливи“ барања, со цел кризата „да напредува кон резолуција“.
– Информирани сме дека се подготвува листа со барања и дека во нејзината подготовка учествуваат Саудиска Арабија, Обединети Арапски Емирати, Египет и Бахреин. Се надеваме дека листата со барања наскоро ќе му биде доставена на Катар и дека таа ќе биде разумна и изводлива, посочи Тилерсон.
Тој додаде дека САД ги поддржуваат посредничките напори на Кувајт во решавање на кризата. Изјавата на Тилерсон уследи еден ден откако Стејт департментот соопшти дека државите од Персисикиот Залив се уште не соопштиле зошто ги прекинаа дипломатските односи со Катар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
