ФИФА информираше дека започнала дисциплинска постапка против Јувентус заради трансферот во Манчестер Јунајтед на фудбалерот Пол Погба.Сепак Манчестер Јунајтед не е цел на ФИФА бидејќи тие утврдиле дека клубот ги нема прекршено правилата.
Погба во 2012 година од Манчестер Јунајтед, како слободен играч, пристигна во Јувентус, а минатото лето „Старата дама“ му го продаде играчот на Јунајтед за 105 милиони евра.
Целиот трансфер е симптоматичен поради тоа што е вклучена провизијата која завршила кај контроверзниот менаџер Мино Рајола, а со тоа било прекршено единственото правило за сопственост на трет субјект вклучен во истиот трансфер.
Ако ФИФА докаже дека Јувентус ги има прекршено законските правила, се соочува со парична казна, а исто така може да биде казнет со забрана за трансфери на одредено време.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
