Претседателот на шанската Ла Лига, Хевијер Тебас тврди ека Кристијано Роналдо не ги навел вистинските причини за премин од Реал во Јувентус кога рекол дека му е потребен нов предизвик во кариерата.
Роналдо пред неколку дена премина од Реал во Јувентус со трансфер вреден 112 милиони евра и тоа дефинитивно го здрма фудбалскиот свет.
– Повеќе пари ќе заработи таму. Нему му одговара повеќе да биде во Италија што се однесува до парите. Меѓу сите големи лиги, Шпанија има најлоша ситуација што се однесува до порезот. Не дека во другите земји е понизок, но кога заработувате толку пари како него, тогаш тие мали разлики во процентите се големи разлики во парите на играчите – рекол претседателот Тебас.
Најдобриот фудбалер во светот своевремено имаше проблеми со обвиненијата за затајување данок. После финалето на Лигата на шампиони, Португалецот бил незадоволен со понудата на Реал од кој очекувал далеку повеќе пари со новиот договор.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
