Македонскиот дизајнер со успешна интернационална кариера Ристо Бимбилоски стои зад плетките на новата колекција на брендот „Мејсон Маржела“. Нашиот креатор, кој родум е од Охрид, повеќе години работи за овој моден бренд, чиј главен дизајнер од 2014 година е познатиот Џон Галијано, пишува „Нова Македонија“.
Синоќа на наградите „Тони“ за достигнувањата на Бродвеј, најмоќната жена во модниот свет и главен уредник во американското списание „Вог“, Ана Винтур, на црвениот тепих се појави во долг црвен фустан кој беше целосно покриен со комлексна плетка во крем боја од дизајнерот Бимбилоски.
Ана не ги изостави препознатливите очила за сонце, а покрај неа беше ќерка и Би Шафер во креација од „Александар МекКвин“.
Инаку, Ристо Бимбилоски e еден од нашите најуспешни креатори со светска кариера. Има стекнато големо искуство во модните куќи „Кензо“ и „Луј Витон“, има соработувано со светски познатиот дизајнер Марк Џејкобс и има одржано ревии во Њујорк и во Берлин. Негови модели се појавиле во бројни едиторијални во познати списанија и блогови. Креации со негов потпис носеле бројни светски ѕведи, меѓу кои пејачката Кети Пери, Кортни Лав, познати актерки, познатата Парис Хилтон и блогерките Тави Гевинсон, Сузи Бабл, како и нашата пејачка Каролина Гочева.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
