Жан Бутон
Жан Бутон, главен финансиски менаџер во модната куќа „Ристо“, ќе говори на работилницата која ја организира Моден викенд Скопје. Тема на работилницата е „Развој на моден бизнис“ за модни дизајнери и дизајнери на модни додатоци, која ќе се одржи од 27 до 29 март. Краен рок за пријавување е 12 март, соопштија од Моден викенд Скопје.
Предавачот Жан Бутон, кој е доаѓа од Париз, има долгогодишно искуство во развој на бизнис и бизнис-стратегија. Неговото портфолио вклучува работни позиции во маркетинг и комуникации, консултантство и проект-менаџмент. Моментално работи како главен финасиски менаџер за македонско-францускиот бренд „Ристо“ основан од познатиот македонски дизајнер Ристо Бимбилоски, кој над две децении работи во Париз.
Првиот ден од работилницата е фокусиран на продуктот. Ќе се дискутира за мапирање на бренд, создавање компетентен тим и развој на капацитети. Предвидена е презентација на теми од типот: дефинирање глобална стратегија, позиционирање продукт и анализа на клучни компетенции. Вториот ден ќе опфати идентификација и еваулација на трошоци, евалуација на идна продажба и кеш-менџмент.
Третиот ден е посветен на финансискиот аспект на модниот бизнис. Ќе бидат презентирани можности за финансирање, а фокусот ќе биде ставен на бизнис- планот: како да се направи, како да се подобри и како да се искористи како можна алатка за понатамошен развој на брендот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
