Досега невидено, Гризман покажа голема почит кон градскиот ривал (видео)

Антоан Гризман стави крај на сите шпекулации за неговата иднина со самото тоа што одлучи да стави потпис на нов договор со Атлетико Мадрид, начин на кој уште еднаш покажа дека е лојален на клубот кој му дозволи да прерасне во еден од најдобрите и најпосакувани напаѓачи во фудбалска Европа.

Со потписот на договорот до 2022 година, Гризман воедно ги остави во втор план и гласините кои своевремено го поврзуваа со сензационален трансфер во редовите на лутиот градски ривал Реал Мадрид, но бидејќи оваа тема околу продолжувањето на договорот се уште е многу „жешка“ во шпанската јавност, посебно до израз дојде едно необјавено видео досега.

Истото доаѓа од полуфиналната пресметка која ја имаа двата лути мадридски ривали во Лигата на шампионите, а во прв план е гестот кој го изведува Антоан Гризман при минувањето во една од просториите на „Сантијаго Бернабеу“. Додека сите негови соиграчи газеа по грбот на Реал Мадрид, Гризман одлучи да го заобиколи, јасно покажувајќи дека е врвен спортист кој мисли на секој најситен детаљ кој може да го повреди противникот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.