Турција одлучи да стационира трупи во Катар поради одржување на безбедноста откако сојузници на Доха, прекинаа врски со таа држава.
– Цел на поставувањето трупи е да се одржува безбедноста и стабилноста во Заливот, изјави министерот за надворешни работи на Турција Мевлут Чавушоглу по состанокот со бахреинскиот колега Шеик Калид бин Ахмед ал-Калиф.
Според западни медиуми, лидерите сакаат да ја прекинат кризата пред крајот на Рамазан, околу 25 јуни.
Претседателот на Турција Реџеп Таип Ердоган рече дека ќе ги поддржи Катар и ќе задржи добри односи со другите заливски држави, а засега не ја критикуваше директно Саудиска Арабија. Во понеделникот Саудиска Арабија, ОАЕ, Бахреин и Египет ги прекинаа сите врски со Катар обвинувајќи ја државата дека поддржува тероризам
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
