Изборите во Косово в недела ќе ги следат речиси 30.000 набљудувачи

Косовската Централна изборна комисија по денешната седница соопшти дека го утврдила вкупниот број на набљудувачи за неделните предвремени парламентарни избори во Косово.

Според Комисијата, како што јави дописникот на МИА, изборите ќе ги следат вкупно 29.264 домашни и меѓународни набљудувачи.

– Најголем број или 15.784 се набљудувачи на коалициите учеснички на изборите, 8.830 се набљудувачи од домашни невладини организации, 3.657 се од полтичките партии учеснички на изборите, 468 се набљудувачи акредитрани да ги претставуваат домашните, а 36 странските медиуми. Седум меѓународни организации ќе имаат 301 набљудувач, 27 набљудувачи ќе бидат од меѓународни институции, односно групата за менаџирање на избори од разни земји во светот, еден е од домашна институција и 160 од осум амбасади, стои во соопштението на Комисијата

Инаку, денеска завршува изборната кампања, која почна веднаш по распуштањето на Парламентотот и утврдувањето на датумот за избори од страна на шефот на државата Хашим Тачи.

Кампањата се одвиваше со забрзана динамика поради кусиот временски рок од десет дена, а во нејзиниот фокус беше економскиот развој на земјата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.