Американска новинарка за интервјуто со Путин: Беше топол и пријатен, а кога ги вклучивме камерите, како да се појави друг човек

Водителката на „Ен-Би-Си Њуз“, Меган Кели, која била модератор на Петербуршкиот меѓународен економски форум и го интервјуирала Владимир Путин, говорела за нејзините впечатоци од рускиот претседател.

Како што раскажалаа таа, во приватните разговори Путин се однесувал многу поинаку отколку пред камерите.

– Тоа како да беа двајца различни луѓе. Кога камерите беа исклучени, во приватните разговори беше топол и пријатен, разговаравме за моето семејство, како и за неговото. Но, кога влезе во кадар се трансформираше во оној Путин кој сите го знаеме. Многу борбен, не отстапува од своето, па дури и се однесува емотивно и агресивно. Во голем број од прашањата, дури може и да се каже дека напаѓа повеќе отколку што одговора. Тоа е тој препознатлив Владимир Путин кој Русите го обожуваат, изјавила новинарката.

Според нејзиното мислење, Путин во разговорите со новинарите сака да биде предизвикан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.