Во светот се напушта практиката да се вложи цело богатство во изградба и реновирање на куќа. Се повеќе семејства се одлучуваат за овие алтернативни куќи–колиби. Тие се многу едноставни за изградба, а не чинат цело богатство.
Компанијата archedcabins.com од САД, може да ви испрати комплетна куќа на домашна адреса. Основниот пакет содржи целосен спрат од куќата, целосна скелетна структура, тип на изолација R13 за куќата да ви биде топла и панел-плафони.
Лесен начин за монтажа
Овие куќи брзо се монтираат и имаат сѐ што е потребно за задоволување на основните потреби од секојдневието.
Цените почнуваат од 1.000 евра за основниот модел, а најскапиот чини 12.000 евра. Со оглед на тоа дека најскапиот модел има 84 квадратни метри, 4 спални соби и 2 бањи, 12.000 евра не е воопшто висока цена.
Сами ја бирате големината
Оваа компанија може да го прилагоди вашиот иден дом според вашиот личен вкус на основа на фотографии кои ќе им ги испратите. Само објаснете им каква куќа сакате и ќе ја добиете на вашата адреса.
Можат да бидат и помали
Иако крајна цел на овој објект е да стане нечиј дом, помалиот модел (4 квадрати) може да се користи за складиште, или како џиновска куќа за вашите домашни миленици. Можностите се бескрајни.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
