МВР во потрагата по жената што беше испрскана од „фраерот“

Министерството за внатрешни работи се обидува да ја лоцира жената што безобразно беше испрскана со пиво од скопскиот „фраер“, кој, пак, видеото само си го поститал на „Јутјуб“.

– МВР најостро го осудува овој настан. Но, за да преземеме мерки против сторителот, прво мора да ја најдеме оштетната и да ја прашаме дали ќе поднесе пријава за него. Засега се уште не сме ја нашле – вели Иво Котевски, помошник-министерот за односи со јавност.

На нашето прашање дали „фраерот“ преставува закана за безбедноста во сообраќајот, бидејќи на снимката се гледа дека пие пиво и вози, Котевски вели:

– Во согласност со законот, тоа не преставува доказ дека бил во алкохолизирана состојба. Единствен доказ е да се утврди присуство на алкохол во крвта во моментот кога управувал со возилото, што не е случај овде – појаснува Котевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.