„Исламска држава“ презема одговорност за нападот во Манчестер

MANCHESTER, ENGLAND – Emergency services arrive close to the Manchester Arena on May 23, 2017 in Manchester, England. There have been reports of explosions at Manchester Arena where Ariana Grande had performed this evening. Greater Manchester Police have have confirmed there are fatalities and warned people to stay away from the area. (Photo by Dave Thompson/Getty Images)

Терористичката организација „Исламска држава (ИС)“ презема одговорност за нападот во Манчестер арена, во кој настрадаа 22 лица, пренесува агенцијата ТАСС. Според порталот Акбар Ирак Припадниците на терористичката организација на социјалните мрежи објавиле видеоснимка во која преземале одговорност за нападот.

Четири часа пред нападот во Манчестер, пак, на еден профил на социјалната мрежа Твитер биле објавени два твита со кои се упатува закана кон Арената во Манчестер, а покрај заканите, во твитовите била објавена и слика со знамето на ИС.

Твитер потоа блокира многу профили кои упатија пофалби за нападите, но нивниот број и натаму е голем. Многу од нив упатија повици до „осамените волци“ да вршат напади во земјите од Западот.

Дел од твитовите велат дека експлозијата во Манчестер била одмазда за нападите над децата во Мосул и Ал-Рака. Британските безбедносни служби го третираат случајот како терористички акт и веруваат дека бомбашот исто така загинал во нападот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.