Градот Скопје, со цел промоција на културно-историските објекти и за полесна ориентација на граѓаните и на туристите, постави осум патоказни табли, на осум локации во центарот на градот.
Како што информираа градските власти, поставени се осум столба со по три патоказни табли, кои ќе им послужат на посетителите и на граѓаните за лесно да се ориентираат и да го посетат саканиот културно-историски објект или локалитет во централното градско подрачје.
Овие туристички табли се поставени на следните локации: Плоштад „Филип Втори“, наспроти црквата „Свети Димитрија“, плоштад „Филип Втори“ до Камениот мост, плоштад „Македонија“ до Ристиќевата палата, наспроти Порта Македонија, наспроти Собрание на РМ, меѓу хотелот „Холидеј ин“ и мостот, Улица Македонија, кај пешачкиот премин кај „Рекорд“ и на улица Македонија, кај пешачкиот премин на улицата Даме Груев.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
