Адвокатот Вуиќ – главен Надзорник на СДСМ

Адвокатот Мирослав Вуиќ ќе биде претседател на Надзорниот одбор на СДСМ, пренесува „нова тв“.

Вуиќ е познат и по тоа што беше адвокат на Велија Рамковски во случајот„Пајажина“, случај во кој беше казнет со 1000 евра и исфрлен со обезбедување од судница. Рамковски го отпушти од одбраната, па потоа повторно го бараше, што судот го оцени како начин за „купување време“.

Вуиќ беше и кандидат на СДСМ за градоначалник на општина Центар на локалните избори во 2009 година кога загуби од кандидатот на ВМРО- ДПМНЕ, Владимир Тодоровиќ.

Најавите во СДСМ се дека ќе има промени и во челната позиција на Центарот за комуникации.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.