Свекорот и свекрвата ја полиле со бензин и ја запалиле зашто не раѓала наследник

Жена во Пакистан била полиена со бензин и запалена од страна на родителите на нејзиниот сопруг зашто три години откако се венчале таа не родила дете.

Како што соопшти полицијата, соседите чуле врисоци и дотрчале до семејната куќа каде што ја затекнале запалената жена. Таа набрзо била одведена во локалната болница.

Оттаму велат дека жената би била во многу полоша ситуација доколку не била однесена на доктор.

Локалните медиуми пренесуваат дека таа постојано била мета на критики од страна на родителите на сопругот зашто не им подарила наследник.

Полицијата ги уапсила родителите и уште две лица кои биле соучесници во злосторството.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.