Арсенал со трета победа во низа, Љоренте го спаси Свонси од испаѓање (видео)

Арсенал ја оствари третата последователна победа во Премиер – лигата, совладувајќи го Стоук на гостински терен со 1-4. Сега „топчиите“ имаат само бод помалку од Ливерпул во трката за третата позиција, која носи во Лигата на шампионите, пред последните два меча до крајот на шампионатот.

Оливие Жиру го отвори резултатот во корист на Арсенал во 42.минута, а Месут Озил зголеми на 0-2 во 55.минута. Питер Крауч намали на 1-2, но потоа Алексис Санчез и Оливие Жиру со својот втор гол ја заверија победата на „топчиите“.

Фернандо Љоренте е најзаслужниот што Свонси и во следната сезона ќе биде дел од премииер-лигата откако велшкиот клуб на крилата на шпанскиот голгетер дојде до уште една огромна победа. Откако минатиот викенд го постигна голот за триумф над Евертон, Љоренте денеска повторно беше прецизен, постигнувајќи го првиот погодок во победата од 0-2 на гостувањето над Сандерленд.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.