Луис Хамилтон ќе стартува од првото место на утрешната трка за ГН на Шпанија откако Британецот стигна до пол-позицијата на денешните квалификации.
Возачот на Мерцедес доминираше од самиот старт на квалификациите, остварувајќи најдобро време и најавувајќи ја кандидатурата за нов триумф на патеката „Каталуња“. Себастијан Фетел, кој е лидер во генералниот пласман, возеше одлично при „летечкиот круг“ но и тоа беше недоволно за да се надмине Хамилтон, па Германецот утрешната трка ќе ја стартува од втората позиција.
Од вториот ред исто така ќе стартуваат Мерцедес (третопласираниот Ботас) и Ферари (Раиконен на четвртата позиција), а за одбележување е дека за првпат сезонава Фернандо Алонсо успеа да се пласира во последните квалификации, па Шпанецот ќе ја стартува утрешната трка од одличното седмо место.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
