Возилото на бизнисменот и сопственик на „Фершпед“, Штерјо Наков, било опожарено вчера во раните утрински часови. Возилото е марка „Мерцедес Ц 220“, објави „Либертас“.
Настанот е објавен и во дневниот билтен на МВР, каде стојат иницијалите на Наков.
„На 03.08.2018 година во 03,40 часот во Секторот за внатрешни работи Скопје било пријавено дека на улицата „Ѓуро Ѓаковиќ“ имало опожарено патничко моторно возило “Мерцедес Ц 220“ сопственост на Ш.Н.(70) од Скопје. Се преземаат мерки за расчистување на случајот“, пишува во билтенот.
На крајот на март, пак, беше опожарено возилото на неговиот син Сашо Наков. Кога избил пожарот возилото марка „БМВ“ било паркирано на улицата „Мирослав Крлежа“.
Штерјо Наков тогаш негираше дека пожарот бил подметнат.
– Не станува збор за запалено возило. Се случил дефект. Направен е и записник. Утврдено е дека се запалиле каблите – рече Наков.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
