Гризман за вечерашниот дуел со Реал се мотивира со пресвртите на Кливленд и Патриотс, и победите на Болт (видео)

Вечерва се игра реваншот од второто полуфинале на Лигата на шампионите помеѓу Атлетико и Реал Мадрид. „Кралевите“ имаат фантастична можност да се пласираат во уште едно финале и да дојдат на чекор од одбрана на титулата освоена минатата година, со оглед на предноста од 3-0 од првиот меч.

Многумина ја гледаат мисијата на Диего Симеоне и неговите фудбалери како невозможна, но така не мисли најдобриот фудбалер на „јорганџиите“, Антоан Гризман. Французинот верува во пресврт против големиот ривал, а како мотивација за него и фановите на екипата сподели видео на кое се гледаат снимки од победата на Кливленд по негативата од 1-3 во НБА финалето, епскиот пресврт на Патриотс во НФЛ финалето против Атланта и дел од трките на Усаин Болт.

#AupaAtleti pic.twitter.com/w3kaDUBvG8

— Antoine Griezmann (@AntoGriezmann) May 9, 2017

Зинедин Зидан и неговите фудбалери вечерва ќе истрчаат на „Висенте Калдерон“ со огромна предност, но пеколната атмосфера и мотивираниот противник би можеле да им направат проблеми. Останува да видиме кој ќе му се предружи на Јувентус како втор учесник во финалето во Кардиф на 3 јуни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.