Марко Логаут со нова песна и спот за „Без тебе не можам“ (Видео)

Mомчето кое јавноста го запозна по совршената акустична изведба на „За нас“ од Брејк, талентираниот Марко Логаут, под отворено небо во летниот клуб „Хавана“, пред колегите и претставници од медиумите, ја промовираше својата прва песна „Без тебе не можам“. Авторот  на музиката и аранжманот е Нино Васков, додека, пак, текстот на оваа балада го напиша Кирил Трајковски – Максим.

– Поддршката што ја имам од пријателите, колегите и од семејството, а пред сè од публиката која ме следи на моите настапи, ми беше поттик да отпеам нешто свое, од своја душа.  „Без тебе не можам“ е една емотивна балада, која се надевам дека ќе допре до многу изгубени срца. Песната е многу певлива и едвај чекам да ја споделам со вас и сите да уживаме во неа  – изјави Марко на промоцијата.

Заедно со песната беше промовиран и видеозаписот за неа, кој го работеше режисерот на филмот „Максим“ – Кирил Трајковски.  Главни протагонисти во приказната, која раскажува за две загубени души кои веќе не се заедно и се бараат низ времето и просторот, се самиот Марко и Елена Анѓеловска, која специјално за спотот облече несекојдневна креација на Елена Лука од колекцијата „Далга“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.