Трагична сообраќајка, загина сопатник

Едно лице загина, а уште едно е во животна опаснот по тешката сообраќајна несреќа што се случи околу 15 часот и 30 минути на регионалниот пат Скопје – Тетово, кај Добарскиот натпатник.

Од СВР Тетово информираат дека автомобил Цитроен Ц3 со тетовски регистарски таблички од засега неутврдени причини излетал од коловозот и се превртел во близина на Добарскиот натпатник. На триесеттина метри од превртеното возило полицијата пронашла тело на починато повозрасно машко лице за кое се претпоставува дека било сопатник во возилото, додека тетовските пожарникари од возачкото седиште извлекле друго машко лице кое со тешки телесни повреди било префрлено во тетовската Клиничка болница и се наоѓа во сериозна здравствена состојба.

На местото на сообраќајната несреќа се чека јавен обвинител кој заедно со полициската екипа треба да изврши увид за утврдување на идентитетот на загинатото и на повреденото лице, како и на причините за сообраќајката.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.