Денеска времето во целата земја ќе биде сончево и топло со мала до умрена облачност, попладне со локален краткотраен дожд и ретки грмежи, особено во западните делови. Ќе дува слаб до умерен јужен ветер.
Максималните дневни температури ќе се движат од 20 Целзиусови степени во Маврово, Охрид 23, Берово 24, Крива Паланка 26, Битола 27, Скопје и Кавадарци 29 до 30 степени во Дојран.
И утре времето ќе биде сончево и топло со температури од 23 до 29 степени.
Во петок ќе имаме променливо облачно и нестабилно време, на повеќе места со пороен дожд и грмежи, особено во северните и источните делови. Ќе дува умерен ветер од западен правец. Дневните температури ќе се движат во интервал од 17 до 25 степени.
Од сабота повторно ќе имаме сончево време со мала до умерена облачност и дневни температури од 18 до 26 степени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
