Фрчкоски призна дека СДСМ свесно и намерно ја испровоцирале реакцијата на граѓаните (видео)

Во четвртокот на начин кој е против деловникот на Собранието, нелигитимно за претседател на Собранието беше избран пратеникот на ДУИ, Талат Џафери. Ваквиот начин на избор го крена гневот на граѓаните, кои влегоа во Собранието. Многумина сметаат дека станува збор за смислено сценарио на опозициската СДСМ, која изборот го направи во 18 часот кога граѓаните беа пред Собранието, а можеа истото тоа да го направат порано.

Еден од главните стратези на политичките случувања во СДСМ, Љубомир Фрчкоски, за Ал Џезеира изјави дека ваков инцидент бил очекуван.

-Прашање на инцидентот е прашање на јачината на инцидентот, сите што нешто знаеме, очекувавме некаков вид на инцидент околу ова предавање, пренос на власта. Мислам дека ова од вторник натака ќе оди со забрзано темпо, новото мнозинство ќе ги преземе канцелариите во Собранието. И во период од 7 до 10 дена ќе се формира нова Влада, тука нема веќе назад.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.