„Линкс студио“ од Скопје крираше две нови македонски видео игри за мобилни телефони и таблети

„Балон Бадабум!“ и „Тамб тамп“ (Борба со палци) се двете нови македонски видео игри кои од денеска бесплатно се достапни на „Гугл плејстор“. Игрите се за мобилни телефони и таблети, а се во продукција на „Линкс Студио“ од Скопје, информираат од студиото.

„Балон Бадабум!“ е акциона сложувалка во која треба да спојувате балони пред тие да излетаат од екранот, а „Тамб Тамп“ е адаптација на детската игра на борба со палци.

– Ова е мое прво искуство со дизајнирање на видео игра, и прилично сум задоволен од резултатот – рече Гоце Цветановски, креативен директор на студиото и дизајнер на „Балон Бадабум“.

– Идејата беше инспирирана од класичната игра „Тетрис“, која многу ја играв додека бев мал, но на тоа додадовме и помодерни елементи во естетиката, како и механиката на спојување на балони со исти бои, слично на Кенди Краш Сага. Досега играта ја тестиравме кај голем број на деца и возрасни, и сите беа воодушевени од игривоста и тежината на предизвикот. Со програмерот Оливер Лазаревски долго време работевме и ја тестиравме и балансиравме тежината, и заклучивме дека за да можат да се задоволат сите типови на играчи, ќе ни требаат три различни нивоа на тежина. Се надевам дека публиката ќе и’ даде шанса на нашата игра и дека наскоро ќе издадеме и втор дел, со повеќе функции и нивоа – рече Цветановски.

Втората игра, „Тамб Тамп“ или Борба со Палци, е малку невообичаена адаптација на детска игра, во која двајца играчи играат на еден мобилен телефон или таблет. Секој играч контролира по еден палец, и целта е да му скокне пет пати врз главата на палецот од другиот играч.

– Играта е многу забавна и на некој начин уникатна поради можноста двајца играчи да играат истовремено на еден ист екран. Иако навидум изгледа едноставна, ова е одличен начин да поминете неколку минути во дуел со пријателите” – рече Марио Савовски, дизајнерот на играта.

Игрите се достапни на следните линкови:

Балон Бадабум! :

https://play.google.com/store/apps/details?id=com.LynxAnimationStudios.Balloon_Badaboom&hl=en

Борба со Палци:

https://play.google.com/store/apps/details?id=com.lynxanimationstudios.thumbthump&hl=en

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.