Белгискиот интернационалец Јаник Караско го повреди рамото на синоќешниот меч против Вилјареал, што само ги зголеми маките на Диего Симеоне, чиј тим забележа пораз (0-1) на домашен терен. Караско влезе во второто полувреме, но многу брзо мораше и да го напушти теренот. По непријатниот судир со Рукавина, тој заработи повреда на десното рамо, по што веднаш замина и во болница. Во текот на денешниот ден ќе му бидат направени и детални лекарски прегледи, но јасно е дека Белгиецот е крајно неизвесен за двомечот со Реал Мадрид во полуфиналето на Лигата на шампионите.
Првиот дуел се игра на 2 мај на „Сантијаго Берабеу“, а реваншот е осум дена подоцна на „Висенте Калдерон“. И Реал Мадрид ќе биде ослабен, со оглед дека овие дуели ќе ги пропушти велшкиот интернационалец Герет Бејл, кој го повреди мускулот на ногата на „Ел Класико“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
