Арсенал во драматичен натпревар успеа да слави над Манчестер сити и да се пласира во големото финале од ФА Купот на Англија. На патот до трофејот пред „топчиите“ ќе стои Челси, но Арон Ремзи е оптимист дека неговиот тим ќе успее да стигне до пехарот што потоа би му го посветил на Арсен Венгер. Францускиот стратег повторно е жестоко критикуван од страна на навивачите кои бараат негова смена, но Рамзи е дециден на ставот дека Венгер останува вистински стратег за Арсенал, а играчите се тие кои потфрлија оваа натпреварувачка сезона.
– Многу пати сезонава го изневеривме Арсен Венгер, сега сакаме да го освоиме овој трофеј за него. Лично, многу го сакам ФА Купот, во последните години сме успешни во ова натпреварување, а најмногу од се ми се допаѓа страста со која играат сите екипи, без разлика дали се премиерлигаши или од пониските натпреварувања. Затоа ова финале е успех, но наша цел е да стигнеме до пехарот – изјави Ремзи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
