Монако не го дава врвот, титулата во Франција е се поблиску (видео)

Фудбалерите на Монако го оставија ПСЖ неполни 24 часа на врвот на табелата, враќајќи се на првото место откако вечерва триумфираа на тешкото гостување против Лион со 1-2.

Свесни дека не смеат да потклекнат во клучниот дел од сезоната, „кнезовите“ одиграа одлично во првото полувреме, кога со погодоците на Фалкао и на Мбапе стигнаа до предност од 0-2. Лион во второто полувреме намали преку Тусар, кој ја имаше и најубавата шанса за израмнување, кога со глава биеше за малку непрецизно.

Свои шанси во второто полувреме пропуштија и гостите, неколку пати најдобро не се снајде Жерман, Силва ја затресе гредата, но најважно за Монако сепак е што се освоени големи три бода.

„Кнезовите“ имаат ист број бодови како и ПСЖ, но и натпревар помалку, оној на домашен терен против Сент Етјен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.