Еден човек ја почна политичката криза. Тој тип упорно е убеден дека ако бара помош однадвор, ќе живее поубаво внатре. Тоа нема логика, порача на денешниот протестен марш на Граѓанската иницијатива „За заедничка Македонија“ во Скопје, водителот Виктор Петров – Викса.
Посочи дека од небото не гледаат предците кон кои имаме обврска.
– Сите имаме баба и дедо кои имале заеднички филм кој ние денеска сакаме да не престане, рече Викса, додавајќи дека можеме уште долго да живееме во криза и ќе живееме во криза додека не не чујат.
-Автомобилот „Македонија“ оди кон Брисел. На истиот автопат има еден автомобил, се вика „Бугарија“, друг се вика „Србија“, трет се вика „Албанија“… Екипата во нашиот автомобил го избрала шоферот. Упорно некој сака да биде неизбран шофер. Тука веќе нема среќно патување, туку инаетење. Ние патуваме кон Брисел, а тие што лажат дека не им се допаѓа во наше друштво,а сакаат да бидат главни фраери, можеме да ги симнеме на Бензиска и да продолжиме без нив. Ова не во говорам дека некого ќе бркаме од Македонија, туку дека некого ќе мора да избркаме од вестите, од политичката сцена. Да кажеме The End за филмот на двоен стандард и изигрување на логиката, посочи Викса, додавајќи дека има решение за политичката криза, а тоа се предвремени избори.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
