Неверојатна премија од Панатенаикос, секој играч ќе добие по 250.000 евра ако го минат Фенербахче

Нокаут фазата од Евролигата и официјално ќе стартува денеска, а газдата на Панатинаикос знае како да ги мотивира своите кошаркари пред пресметките со европскиот вицешампион Фенербахче. Грчките медиуми информираат дека првиот човек на клубот, Димитрис Јанакопулос го посетил вчерашниот тренинг на својата екипа, ветувајќи им богати премии на своите кошаркари доколку стигнат до Ф4 турнирот во Истанбул.

– Јанакопулос сака по пет години пауза повторно да го види ПАО на еден фајналфор турнир. Затоа и се реши за богати премии во висина од 250.000 евра доколку кошаркарите на Панатинаикос успеат да го елиминираат Фенербахче – јавува грчкиот весник „Газета“.

Првиот меч од четвртфиналната серија меѓу Панатинаикос и Фенербахче се игра во Атина вечерва со почеток во 20 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.