Австрискиот министер за надворешни работи Себастијан Курц повика денеска за запирање на преговорите за членство на Турција во Европската унија.
– По референдумот во Турција не можеме само да се вратиме на прашањата. Неопходно е да пројавиме чесност што се однесува до односите Турција-ЕУ, напиша Курц на Твитер.
Австрискиот министер повика за запирање на преговорите за членство на Турција во Унијата и наместо тоа да биде склучен договор за добрососедство.
Канцеларот Кристијан Керн изјави дека по вчерашниот референдум, „перспективите за членство на Турција во пракса се веќе погребани“.
– Влегуваме во нова ера, нагласи тој.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
