Италијанскиот репрезентативец Лоренцо Инсиње ќе го продолжи договорот со Наполи до 2022 година, информираат медиумите на Апенините. Офанзивниот играч за врска, кој многу често игра и на крилните позиции, ги договорил деталите околу продолжување на соработката со претседателот на клубот Аурелио де Лаурентис. Во наредните неколку дена се очекува договорот и официјално да биде потпишан и Инсиње да се ’заколне’ на верност за уште пет сезони.
Согласно новиот договор, Инсиње ќе се заработува 4,5 милиони евра годишно, а ќе има и дополнителни бонуси во зависност од личните постигнувања, но пред се тимските успеси на Наполи. Оваа сезона Инсиње има постигнато 14 гола за „наполитанците“ во Серија А и веќе го надмина остварувањето од минатата година (13).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
