Граѓани на Охрид попладнево повторно излегоа на улица во знак на поддршка на граѓанската иницијатива „За заедничка Македонија“. Изразија загриженост за иднината на државата и за зачувување на унитарноста на Република Македонија.
– Човекот има две души, едната која го влече нагоре кон небото, другата е онаа која се влече по земјата каде сме сите заедно. Затоа мојата порака е сите заедно, сите етнички заедници да се погледнеме едни во други, сите да бидеме за заедничка Македонија. Пораката од Охрид е доаѓа лето, ќе дојдат туристи, да имаме со што ќе се пофалиме. Затоа да ја сочуваме Македонија, вонредни парламентарни избори и кој ќе победи да формира влада, рече во име на учеснциите на протестот Петар Нечоски.
Протестниот собир почна кај охридската гимназија, па со марш низ централните улици на Охрид да заврши на Градскиот плоштад „Свети Климент Охридски“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
