Швајни конечно прозборе за односот на Мурињо кон него во Манчестер

По заминувањето на Бастијан Швајнштајгер од Манчестер Јунајтед, се очекуваа деновиве првите отровни стрели врз Португалецот, но Швајни реши да ја олади ситуацијата и во вистинско светло да ја претстави работата како се одвивала.

Тој како што знаеме, се пресели од Јунајтед во Чикаго Фајр, тим од МЛС лигата, а деновиве го даде првото интервју поврзано со неговиот поранешен тренер Жозе Мурињо, и третманот кој го добил во трофејниот англиски клуб.

-Се разбира дека тоа беше една незгодна ситуација и за двајцата, како јас, така и тренерот Мурињо, бевме во незгодна и несреќна ситуација, но секако, го посакував најдоброто за Јунајтед. Се надевам дека тие ќе се квалификуваат во ЛШ. Секогаш ги гледам на ТВ, без разлика кога и да играат, па им посакувам само победи, истакна Швајни од Америка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.