Историски трипл-дабл за Расел Вестбрук (видео)

Расел Вестбрук дефинитивно е незадржлив сезонава. Најдобриот играч на Оклахома е најзаслужен за уште една победа на неговиот тим и тоа минимална од 106:105 во дуелот против Денвер.

За Вестбрук ова беше историски меч, бидејќи стигна до 42. трипл-дабл сезонава и го надмина НБА рекордот на легендарниот Оскар Робертсон, стар 56 години. Робертсон беше рекордер со 41 трипл-дабл средби во една сезона, а сега Вестбрук е новиот рекордер.

Против Денвер, Вестбрук беше незадржлив и мечот го заврши со 50 поени, 15 скока и 10 асистенции. Историскиот момент го направи на 4.17 минути до крајот, кога ја подели 10-тата асистенција. За одбележување беше и феноменалната игра и тројката за победа на првата ѕвезда.

Вестбрук ги даде последните 13 поени за неговиот тим, вклучувајќи ја и тројката со звукот на сирената за победа од 106-105.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.