Роналдо може да не игра на ел класико поради навреди кон судијата на градското дерби?! (видео)

Бурно е во Реал Мадрид деновиве. Тимот не игра на посакуваното ниво и тоа во клучниот дел од сезоната. Меѓу оние кои најмногу разочаруваат е првата ѕвезда, Кристијано Роналдо. Португалецот дури е и на мета на соиграчите, кои побарале од тренерот Зинедин Зидан да го стави Роналдо на клупата за резерви.

Францускито стратег потенцираше дека нема шанси да се откаже од Роналдо, но сега постои опција да мора да се откаже и тоа, доколку голгетерот добие суспензија. На градското дерби против Атлетико, Роналдо бурно реагираше по една одлука на судијата, наместо корнер за Реал, да досуди топка за Атлетико.

Португалецот трчаше специјално до судијата да му каже некои „невкусни“ работи, за кои не доби ни жолт картон. Сепак ТВ снимката го има „уловено“ цел настан, па можно е Роналдо да биде суспендиран.

Ако тоа се случи и суспензијата биде барем два меча, тоа ќе значи дека Роналдо нема да може да игра на големото „Ел Класико“ против Барселона, кое се игра на 23 април.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.