Јувентус рутински против Киево, Игуаин двоен стрелец (видео)

Актуелниот италијански шампион продолжува со сигурните игри во домашниот шампионат бркајќи ја одбраната на титулата и оваа сезона.
Вечерва во Торино „старата дама“ славеше рутинска победа под 2-0 над Киево во рамките од 31.коло во Серија А и на седум кола до крајот на шампионатот има високи девет бодови предност пред Рома, но и натпревар повеќе бидејќи Рома утре ја очекува натпреварот против Болоња.

Творец на триумфот на „Старата дама“ во Торино беше Гонзало Игуаин со два погодоци, првиот во 23. минута а вториот во 84. минута, за конечни 2-0.

Ова е добра најава за навивачите на Јувентус бидејќи веќе следната седмица го игра првиот натпревар од четвртфиналето во Лигата на шампионите против Барселона, а Гонзало Игуаин постигна четири гола на последните два меча.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.