Ѓорчев: Не може да се прескокне дебатата во Собранието

„Заедничкиот јазик е Деловникот на Собранието на Република Македонија. Тоа се правилата според коешто работи Собранието“, изјави пратеникот од ВМРО-ДПМНЕ Владимир Ѓорчев во вестите на ТВ Нова.

Тој додаде дека тоа што СДСМ сега го бара се нема никогаш случено во 27 години македонски Парламент.

-Не може да се прекине точката на сред точка и да се смени дебатата. Може да се смени редоследот на точките доколку некоја точка завршила, значи не може во сред дискусија. Не може во сред точка да се менува редоследот на точките на седница во Собранието. Тоа никогаш се нема случено до сега, ова што СДСМ го бара е надвор од сите правила и тие добро тоа го знаат- посочи Ѓорчев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.