Со тапани на чело на колоната почна уште еден масовен протест: Илјадници граѓани 38-ми ден по ред со поддршка „За заедничка Македонија“ (Фото – Видео)

Поддржувачите на граѓанската иницијатива „За заедничка Македонија“ и денеска по 38-ми пат по ред во голем број излегоа на улиците низ главниот град за да ја дадат својата поддршка за единствена и унитарна Македонија.

– И по триесет и осми пат тука пред Владата на Република Македонија, денес со малку изменета маршута ќе одиме по мостот Гоце Делчев, до музејот на Македонската борба за државност, а таму членови на иницијативата „За заедничка Македонија“ ќе ја посетат декларацијата за независност на Република Македонија и преку камениот мост одиме до триунфалната капија, рече Богдан Илиевски пред почетокот на протестот.

Оперскиот пејач Кристијан Антовски кој ја изведе химната на Република Македонија од пред владата порача дека му е голема чест и задоволство што денеска сите заедно ќе ја запејат химната на нашата земја.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.