Тренерот на Лацио, Симоне Инзаги ги наполни со комплименти своите фудбалери по пласманот во финалето на Купот на Италија за сметка на големиот ривал Рома.
– Денеска го славам најсреќниот роденден во мојот живот. Знаеме што значи овој натпревар, навивачите беа фантастични, помислив дека сме домаќините, а не гости. Лацио ги елиминира Џенова, Интер и Рома, моите момци ги заслужуваат сите пофалби. Секогаш имам огромна доверба во нив – изјави помладиот од браќата Инзаги.
Лацио ќе игра во своето трето финале во последните пет сезони, а противникот ќе го дознае вечерва по одигрувањето на возвратниот дуел меѓу Наполи и Јувентус. „Старата дама“ има предност од 3-1 од првиот натпревар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
